انا دايما ليك بدندن غنية
ورغم الكل انا بيك مشغول
يايمة ياست الكل يا كل
يا احلي ملاك انا ليهو بقول
كل الخير وهمس القول
وسايق الريح مع النسمات
اسابق الموج بالقطرات
انعش يومك يا اسعد ام
انشاء الله ما تنزعجي
لامني ولا من غيري انا
علي طول مبسوطة وهمك رايح
والله معاك
يا ام ياقيافة وفيك لطافة
انا بيك بشوف الدنيا دي حلوة
ومعاك احس بجمال العالم
ماتنحرمي من كل مناك
الاماني الحلوة ليك مقبولة
انت الجنة تحت اقدامك
وكل الخير والسعد منك
انا لو راضيتك ابقي فخور
فزت بحاجة اقدر امشي وامضي واسرح وافرح بيها
يا ست الناس يا امي انا
صباحك نور واحلي زهور
منثور بمحبة ولمة ناس كتير طييبين
ونهارك اجمل من الاجمل
وبسمة تنادي بفرح الكل
ومساء معبق بالياسمين
مساء زاهي صافي وهادئ زيو مافي
وليل هادئ نجوم باينة
وتغرد ليك طيور الدنيا
باحلي نغم يا ايمي يا نور يا احلي زهور
وفرح الكل حبيبت الناس امي انا
يارب خليها دوام معاي
احميها يا رب من عيون الناس
يا كريم سطر ليها الدنيا جميلة وفي عدن اديها مقام
خليني فخور بيها وتفخر بي
ومن الصالحين اجعلني انا
ومن الصابرين خليها هي
وفي الفردوس نتلمة تاني
يارب تاني
اجمعنا يارب تاني تاني