انا شفتو يوم المهرجان
ماكنت فاكرة في زول هناك
ينشر سعادة وبالفرح يملا المكان
جاء مع المساء وكت الشفق
شايل الفرح وبسمة مرح
لابس وشاحة خلاني اضحك من جواي
فرحانة بس بي طلتو
نشوانة بس بي همستو
زعلانة من زمني اللفات
ياحليل زمن المهرجان
ديك فرحة راحت مابتعود
بس فيني ذكري ما بتموت
زول الفرح صاحب السرور
مدرار شكر كاناهو ليك
قطرات ندي وشلال هيام كاباهو ليك
وسلام كتير وكلام حنين يا جميل انا شايلاهو ليك
وياريت الاقيك تاني في وسط الزحام
وتبقي ايامي كلها مهرجان
وتبقي لي منفذ هواء
ومسكن عمر
صاحبي واخوي
ورفيق درب طويل طويل
ماليهو حد.........